ताप, सर्दी, खोकल्याचा त्रास असल्यास तपासणीसाठी फिव्हर क्लिनिक’मध्ये या ! : जिल्हाधिकारी हृषीकेश मोडक यांचे आवाहन

ताप, सर्दी, खोकल्याचा त्रास असल्यास तपासणीसाठी फिव्हर क्लिनिक’मध्ये या ! 
जिल्हाधिकारी हृषीकेश मोडक यांचे आवाहन
वाशिम, दि. २० (जिमाका) : ताप, सर्दी आणि खोकल्याचा त्रास असलेल्या रुग्णांची तपासणी करण्यासाठी जिल्ह्यात प्रत्येक तालुक्याच्या ठिकाणी एक फिव्हर क्लिनिक’ सुरु करण्यात आले आहे. त्यामुळे असा त्रास असलेल्या नागरिकांनी तपासणीसाठी इतर ठिकाणी न जाता आपल्या आपल्या नजीकच्या फिव्हर क्लिनिक’मध्ये जावून तपासणी करून घ्यावी, असे आवाहन जिल्हाधिकारी हृषीकेश मोडक यांनी केले आहे.
 ताप, सर्दी व खोकला हे तसे नेहमीचे आजार आहेत. मात्र, कोरोना विषाणूचा संसर्ग झालेल्या व्यक्तींमध्ये सुद्धा अशी लक्षणे दिसतात. त्यामुळे अशी लक्षणे दिसणार्‍या व्यक्तींची तपासणी व उपचार करण्यासाठी जिल्ह्यात प्रत्येक तालुक्यात एक याप्रमाणे सहा  फिव्हर क्लिनिक’ सुरु करण्यात आली आहेत. ताप, सर्दी व खोकला आदी लक्षणे दिसणार्‍या व्यक्तींची तपासणी, उपचार करण्यासोबतच त्यांच्या प्रवासाची नोंद सुद्धा फिव्हर क्लिनिक’मध्ये घेतली जाणार आहे. त्यामुळे जिल्ह्यातील ज्या नागरिकांना ताप, सर्दी व खोकला असा त्रास आहे, त्यांनी उपचारासाठी इतर कुठेही न जाता आपल्या नजीकच्या फिव्हर क्लिनिक’मध्येच येवून तपासणी करून घ्यावी, असे आवाहन जिल्हाधिकारी श्री. मोडक यांनी केले आहे.
येथे आहेत फिव्हर क्लिनिक’
१) वाशिम तालुका- आर्थिकदृष्ट्या मागासवर्गीय मुलींचे वसतिगृह, सिव्हील लाईन, वाशिम
२) रिसोड तालुका- अनुसूचित जाती मुलांची निवासी शाळा, सवड
३) मालेगाव तालुका- नवीन तहसील कार्यालय, मुख्य इमारत, मालेगाव
४) मंगरूळपीर तालुका- अल्पसंख्याक वसतिगृह, मंगरूळपीर
५) कारंजा लाड तालुका- एम.बी. आश्रम, मुर्तीजापूर रोड, झाशी राणी चौक जवळ, चंदनवाडी, कारंजा लाड
६) मानोरा तालुका- औद्योगिक प्रशिक्षण संस्था (आयटीआय), मानोरा